狼振英同太太倡議減少廚餘，特區政府亦喺今年推出「惜食香港運動」，整埋隻「大嘥鬼」出嚟呼籲港人唔好嘥嘢。美國駐港總領事夏千福都唔執輸，佢識食之餘一樣好「惜食」，之但係佢同狼英有少少唔同，口話推動之時仲身體力行㗎。
上周五佢就帶咗廚師Ben Ford同成班美領館職員去到食物回收機構「惜食堂」；千福baby戴住膠手套同帽，兼且着埋條圍裙，全副武裝咁，都係想落手落腳，親自為公公婆婆包裝1,100個飯盒。網民大讚千福baby好有心，有人仲話CY落區就左閃右避，仲要搵警力阻擋市民，千福baby就唔同嘞，呢啲咪叫做民心囉！
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24