菲律賓拳王帕奎奧（中）因為欠稅一事，搞到銀行戶口被凍結？啱啱先喺澳門「金光決戰」中贏得WBO國際次中量級冠軍腰帶嘅佢，周二接受傳媒訪問時，控訴被菲律賓政府凍結晒佢同佢妻子所有嘅國內銀行賬戶，原因係當局指控佢08至09年期間，喺美國打咗多場報酬相當豐厚嘅拳賽，但就冇向菲律賓政府交稅，據講稅額高達成22億披索（約3.9億港元）。
或借錢捐畀災民
呢位拳王就聲稱，因為場拳賽喺美國打，已經交咗稅畀美國嗰邊嘅稅務局，為避免被菲律賓雙重徵稅，佢仲交咗份文件畀菲律賓當局，證明自己交咗稅，係菲國嗰邊唔接受，激到佢受訪時話自己又唔係罪犯，又唔係賊，菲國政府咁做完全不合情理，佢之前應承話捐錢畀受台風影響嘅災民，𠵱家就話可能要借錢先捐到，真有心。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24