BlackBerry新任CEO程守宗（John Chen）月初上任，快手搞個高層大地震，營運總監Kristian、營銷總監Frank即時離職，法規部門主管James轉做財務總監，原先個財務總監Brian變成程守宗特別顧問至明年3月，咁即係就快走啦。
所謂一朝天子一朝臣，上述已離職同埋似係就快離職嘅高層，係前CEO海因斯舊年接管BlackBerry後招攬過來，現時既然換咗老闆，惟有講拜拜。
BlackBerry今年都有好多變動，年初更改上市編號兼宣佈改革，前排又話要賣盤，月初賣盤唔成，換走CEO，家陣就郁走前朝高層。
其實，點樣郁都唔緊要，最緊要新CEO可以力挽狂瀾，搞番好盤生意啫。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24