【本報訊】有行走瓜青線的司機透露，瓜青線夜更（朝10晚10）由黑幫新義安操控，搵食路線編排有序，小巴車頭及車尾分別貼有港鐵符號及英文字母「A」或「B」，以資識別，防止外來小巴司機入線；而小巴車隊分成兩隊，安排不同時間衝入運輸署禁止進入的旺角彌敦道上落客，增加客源。
根據運輸署准許行走路線，若以青山道小巴站頭為出發點的瓜青線為例，要路經太子至旺角一段的水渠道、西洋菜南街、亞皆老街、花園街、黑布街及衞理道，其間不准進入彌敦道禁區上落客，但黑幫知道彌敦道是最容易「撈客」，會掌握即時交通情況，並通知旗下司機執生，隨時衝入禁區搵食。
而他們為免引起其他路線經營者及當局的注意，於是將車隊分成A、B兩隊，今日A隊駛入彌敦道衝禁區，B隊則要行駛原本路線；翌日則輪到B隊衝入禁區上落客，由A隊行駛原本路線。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange