（樂）足球球衣商機無限，唔少打入明年世界盃決賽周嘅球隊，上周友賽已經率先試着新波衫。貴為東道主，巴西又點會執輸，先搵咗尼馬等球星去拍新波衫廣告；周日就仲喺里約熱內盧搞個盛大嘅發佈會，名宿朗拿度、巴西國家隊教練史高拉利（大菲）等畀面出席。因為歐洲聯賽如火如荼，比較大名嘅當打球員no show，禾夫斯堡中場路爾斯古斯達禾（圖）就充當模特兒示範新衫。「大菲」就讚新衫完美之餘，最唔好係冇6粒星，佢老人家仲好有信心講，踢完明年世界盃就可加多一粒，即係拎硬第6次冠軍咁話。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24