東華學院學生會同校務委員會主席陳文綺慧近排為咗校長汪國成唇槍舌劍、電郵筆戰，呢排由鍵盤戰線「打」到學院。噚日學生自發貼大字報，包括黑底白字「還我校長汪國成」同白底黑字「還我汪國成」，同學仔先貼喺二樓「陳文綺慧演講廳」外，仲有貼喺18樓校長室正門外，汪校長一定冧死啦！學生會仲叫同學仔呢個星期五一齊着黑衫喺學院集會，挽留汪國成，要求校董還學生一個公道，解釋吓點解汪國成份合約明明2015年先完，𠵱家卻搞到下個月底就last day，倒數得番on call 36 days，同學仔真係好傷心囉！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange