美國總領事夏千福噚日一身廚師打扮，同名廚兼領事館委任嘅美食大使Ben Ford開記者會騷廚藝，但夏千福好怕醜，烹調過程滴水不沾，袖手旁觀，由大廚玩solo，唔夠佢前任楊甦棣試過煎羊扒、拋鑊咁勇。夏千福一概唔答政治問題。記者惟有兜大圈問佢，例如平日煮飯落唔落雞汁、會唔會趁聖誕品嚐地道小食爭取曝光、鍾意食冇篩選嘅自助餐定係睇餐牌叫餸。夏千福唔係蠢人，話食物唔係政治，佢個人乜都食，亦都用過雞粒煮餸。兩人同枱表演，係為宣傳美國國務院飲食文化外交計劃，促進港美飲食同烹飪交流。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24