有別一般歌手，謝安琪一向有獨立觀點，她對着三位前輩臉無懼色，逐一品評對他們的感覺。Kay笑說對肥佬黎最感興趣：「你梗有啲諗法先想做傳媒，好似我做歌手都想有啲嘢同大家溝通。所以想知你做傳媒嘅心。」肥佬黎認真地答：「你相信嗰樣嘢就做，譬如我相信自由、民主，咪用呢個信念去做。做傳媒係思想共鳴，我諗唱歌都一樣。」
Kay自幼閱讀亦舒小說，因此自覺跟衛斯理有份親切感，倪匡自嘲：「亦舒小說好睇過我！」Kay想幻想自己像衛斯理，又有型、又有才、又多靚女。蔡瀾糾正：「佢冇乜靚女，一個咋嘛！」肥佬黎問為何倪匡筆下的衛斯理明明有條件花心，為何從一而終？倪匡笑說：「個老婆夠惡，又比佢叻！」肥佬黎忍不住笑倪匡：「最理想係咁啦，將自己唔好嘅嘢剔除晒佢！」倪匡大呼冤枉，他稱用第一人稱寫是為了營造古怪氣氛，才令人產生誤會：「估唔到依家仲有啲傻佬以為係真！」Kay又聽別人說，倪匡有一部電話可以跟外星人溝通，令倪匡笑到面紅。
至於蔡瀾，Kay跟他見面比較多，又是他的微博粉絲，不時瀏覽他的微博，看他怎樣瀟灑地回地人家的問題：「你都係一、兩個字搞掂佢哋，好有型！」
星期四晚11:00睇，高登女神現真身《亂噏24》！
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24