上月傳出「小小超」李澤楷有興趣收購破咗產嘅美國電動跑車廠Fisker。美國能源局近日就公佈，Fisker被一間叫Hybrid Technology LLC嘅神秘公司，以2,500萬美元（1.95億港元）收購，較之前傳3,000萬美元仲要平。有外電指，小小超正正是神秘公司嘅幕後金主。
在港冇乜知名度嘅Fisker，比今年熱爆嘅Tesla更早開始賣電動車。2011年發售嘅車款Karma，賣12萬美金，唔少歌手，好似Justin Bieber都係粉絲。
不過，車廠舊年底因財困而停產，欠美國政府1.39億美元聯邦貸款，最終被拎出來拍賣。
彭博同《洛杉磯時報》報道，Hybrid Technology今年10月底先喺美國特拉華州（Delaware）註冊，呢間公司好低調，報道引述消息話，李澤楷有份投資。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange