【寬恕家人】49歲嘅黃貫中（Paul）老馬有火，日前喺微博控訴遭老竇家暴，又自爆老竇拿菜刀斬阿媽，又出手打愛妻朱茵，搞到阿Paul忍無可忍怒轟要大義滅親，更擔心自己有日會變成殺父仇人。
搞到咁激嘅阿Paul言論一出，即時惹來全城熱話，不過講到「殺人」始終唔係咁啱，亦都同阿Paul爸爸嘅身份唔多襯，孝順父母係天經地義。而出名孝順嘅張衞健亦唔希望阿Paul同父親嘅關係越嚟越差，所以前晚都忍唔住苦口婆心留言，似乎想勸阿Paul要學識放下，仲喺微博留言：「我爸多年前拋妻棄子，我媽當然是充滿了恨意！可是這種情緒維持了沒幾年，我們問起老爸的事情她都能從容回答，這就證明了她能放下！放下的秘訣是forgive而不是forget！」唔知阿Paul睇完明唔明張衞健所講嘅人生道理呢？
場主：守庫
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！