肥佬黎把握機會問Kay的戀愛問題，Kay笑說：「好少人問我戀愛問題喎！」她認為戀愛給多她很大動力，對創作的靈感、說話語氣及心情都有影響：「我依家都覺得自己喺戀愛當中。」至於當初為何願意嫁給張繼聰，原來是因為對方的樂天性格：「佢個人本身乜嘢都可以好開心，我估計70歲瞓醒覺，望到隔離呢個人，都仲係覺得好好笑。」蔡瀾認為這就是倪太對倪匡的感覺：「嗰陣時倪匡亂嚟嘅時候，倪太好嬲同我訴苦，我勸佢唔好愛倪匡囉，但佢又話你去搵個咁好玩嘅人畀我啦，我都冇聲出，哈哈！」
肥佬黎提到汪峰早前開演唱會，當着八萬人面前高呼要章子怡成為全世界最幸福的女人，笑說他一定未給過女人幸福：「如果佢試過，就知道令女人幸福係幾難呀，仲要全世界，唔通你係現代莎士比亞咩！」Kay卻認為聽到這樣激昂的表白，女人會深受感動。肥佬黎大潑冷水：「咁激烈嘅愛，好快爆煲架！你日日去gym舉重八個鐘頭吖，張家輝你都死呀！」倪匡的結論是：「女人真係好蠢！」
《亂噏24》睇真Ｄ女神的戀愛世界，星期四晚11:00 約定你！
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24