未入正題前，先賣個告白：新App《蘋果投資王》模擬投資遊戲「投資王擂台賽」現已推出，點解要玩？原因有三個：1）零成本無限次贏獎金，炒開股，落慣盤，順手入個App落多次，隨時每月賺多幾千蚊！２）300萬本任玩，一嘗大手買賣的滋味，平時唔買的股票及輪證，全部可放膽去馬，每月結算一次，輸咗？下月再來過！３）十幾位股評人落場一齊玩，實時落盤，成績一目瞭然。
三中全會改革重點之一，是讓民企進入能源、銀行等敏感領域，靠引入競爭提升市場效率，新海能源（342）勢將受惠，股價上周現突破，可順勢炒一轉。集團位於廣東省，從事液化石油氣、天然氣分銷業務，於廣州的市佔率達六成。新海主要做廠商生意，貪其用量大，令運輸成本下降，提升利潤率。近月PMI反彈，液化氣需求看漲，下半年業績有保障。今年落實與中石化（386）組合營，在廣州為汽車提供加氣服務，進一步鞏固地區龍頭地位。
新海能源上半年盈喜增長65%，人仔升值功不可沒，市場對三中全會細節收貨，勢加快流入中港股市，加上擴大波幅上限，升值預期升溫，下半年盈利仍有不少upside，預測PE僅9倍，可說大平賣！執董岑濬近月曾以4.7元增持，可視為「底價」，現價追入，坐六望七，跌穿4.7元止蝕。
魏力
http://www.facebook.com/2012jason
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24