（喜）今季中超頒獎典禮喺星期日舉行，一如所料，聯賽3連冠嘅廣州恒大掃晒啲主要獎項，其中落實下年返富明尼斯嘅孔卡獲得最佳球員。呢位阿根廷中場仲抱埋囝囝上台領獎（圖），場面好溫馨。孔卡攞獎時都好激動，佢好多謝隊友同教練，仲有陪佢嚟中國嘅屋企人。恒大教練納比大熱當選最佳教練，巴西前鋒艾傑臣就係最佳射手，而曾誠亦做埋最佳門將。至於今季中超最佳陣容，恒大有7人入選，包括有孔卡、穆里奇、艾傑臣、鄭智、張琳芃、金英權同埋曾誠。恒大喺上周六嘅中國足協盃4強首回合贏北京國安1:0，星期三會喺主場踢次回合。晉級嘅話會喺決賽對貴州人和。另外，恒大下個月仲會去摩洛哥踢世冠盃。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange