聽到無明火起的一句話：炒股為興趣，這未免貶低一眾辛苦炒股的股民。講真，為興趣，Samantha寧願去品品酒、彈彈琴，別人搭車睇臉書、打機；股民就睇股價圖、新聞；女孩子周末嘆茶買衫，Samantha就坐於酒店一角，邊飲酒邊搵股，過程非常沉悶，似係打緊一份工，甚至係一盤生意。
三中概念大炒特炒，但總有漏網之魚，阿爺成立國安會，軍工概念喪炒，有一隻未起動嘅股叫亞太衛星（1045），提供衛星轉發器，衛星通信與衛星電視廣播服務，呢啲生意唔係人人可做，亦同國家安全訊息息息相關，其中一位股東是中國航天科技，前身正係國防部第五研究院。
他們同時與大數據息息相關，其附屬亞太數據服務與IBM公司合作，興建的高端數據中心3月投入服務，基礎設施符合國際第三級以上，符合工信部支持雲計算和大數據產業的國情，公司認為數據中心能與衛星電訊服務具有協同效應，為業務提供增值能力。
業績方面持續增長，亞太衛中期純利為2.79億元，按年增1.66倍，主要由於亞太7號衛星新增容量使用合同，中期息倍增至5仙，毛利率由53%升至67%。8月尾公佈業績帶動股價爆升，惟8.6元這個水平已橫行兩個月，近日終出現MACD雙牛，是時候上車！
Samantha
本欄逢周一、三、五刊出
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24