「平等分享行動」過去一個月在全港多區向無家者舉辦商討日，宣揚佔中理念，剛脫離無家者行列的翠姐，認為所有港人都有資格投票和參選，又指中環不僅屬於白領，也屬於全香港人，「你唔俾我哋埋枱傾（普選），咪惟有咁做（佔中）囉」。
在剛過去的星期六，「平等分享行動」的成員分別到元朗、上水、深水埗等區，舉行無家者佔中商討日。成員之一的小小，和剛上樓的翠姐、近日以月租千多元租住板間房的文仔，就在行人天橋席地而坐談佔中。63歲的翠姐，流落街頭10個月，幾日前才因患病獲恩恤安置，有瓦遮頭。
翠姐說露宿者難搵工、冇屋住、綜援不足以生活，政府知而不理，「你估我好想瞓街？有頭髮邊個想做癩痢？」她指特首梁振英當選前曾落區深水埗，「應承幫我哋乜乜物物，三年上樓、唔使捱餓，講完就算」，梁上任年多以來，對露宿者落實的承諾「一樣都冇！」小小指出，無家者被壓迫的情況嚴重，希望政府能真正把無家者當作人來看待，給予適當支援。
「郁啲就嘈因冇表達渠道」
對於普選，翠姐、文仔和小小都很贊成，可惜無家者沒住址證明，連投票權也被剝奪。翠姐指，「無家者係咪香港人？有冇身份證？有就應該有權投票。𠵱家好多人郁啲就嘈，係因為冇表達渠道」。她覺得參選人士在明在暗也不應由中央指派，「每個人都應該有參選權，點解一定係你認為嗰個係（合適）先畀佢參選？」不過她也同意要符合一定條件，也要獲得市民提名，至於要取得多少市民提名，可以再商討。若最終無普選要佔領中環，她贊成，「中環係全部香港人嘅，唔係淨係你啲大老闆有錢人用嚟搵錢嘅」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange