美斯國際賽期前受傷，球迷都擔心巴塞表現受影響；但日前聯賽重開，巴塞立即又派4蛋，各項賽事6連勝。好似冇嘢喎？其實近幾場賽事，甚至本季在新帥馬天奴領軍下，巴塞出現了不少細微變化。
先說控球比率，以往巴塞出名以6成甚至7成控球優勢掌控球賽；但今季巴塞控球比率下跌；上仗對CF格蘭納達大部份時間打多個，仍只有58%優勢；再上仗4:1擊敗貝迪斯，上半場控球比率只有52%，部份時間更落後對手！這是今季前的巴塞非常罕見的。
其次是進攻辦法，馬天奴上任後，巴塞仍以悅目地面組織為主；但同時卻多了不少兩翼高波傳中，以往丹尼爾在禁區角觸球，多會地波傳中或搓多兩腳，現在可能二話不說就斬入禁區。今季法比加斯、美斯及尼馬均曾以頭槌入波。難道號稱「地上最強」、純踢地波的巴塞，已經變回「平凡」？理想主義者或許這樣想；但實際上，上述變化反令巴塞更務實，減少不必要控球，踢法更直接。在美斯缺態下，阿歷斯山齊士、尼馬等均可負起入球責任，對美斯的倚賴亦減低了，相信馬天奴的新元素，是正面的。
然而，上仗贏CF格蘭納達4:0似很輕鬆；實情是對手犯錯輸兩球12碼，令巴塞吹灰不費領先兩球，此時格軍再有人領紅出場，更兵敗如山倒。傷兵滿營下，巴塞是有點球運。歐聯進入淘汰賽階段再遇拜仁或車仔等剋星，才是真正考驗馬帥之時。文：方柏翹
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange