本報早前曾報道英國萬人迷球星碧咸（David Beckham）出售住了14年的英國赫特福德大屋，換了一間4,000萬英鎊（約5億港元）的豪宅物業。昨日英國《太陽報》透露碧咸新屋的內部情況，原來屋內不只有髮型屋，竟然還有地下秘道！
Victoria獨佔四房
碧咸早前賣樓賣車以換大屋，他在西倫敦的新居就價值4,000萬英鎊（約5億港元），另再付500萬英鎊（約6,300萬港元）裝修費。英國《太陽報》日前就大爆咸爺新屋內部秘密，首先大屋高四層，他更為老婆Victoria特設一間髮型屋，又騰空兩間房間讓Victoria收藏她的鞋履。除了理髮外，碧咸嫂更會有一間用來化妝及美甲的房間，她一個人霸夠四間房。其實日前碧咸嫂決定捐出大批鞋義賣，幫助菲律賓風災災民，她捐了堆積如山的鞋後，仍要用兩間房放鞋，可見她似乎心情好不好都要買鞋！
設高科技音響系統
咸爺新屋據報竟然設有隧道，供家居員工及保安人員通往另一個物業。一家如果有危險或有狗仔隊追訪時，也可以神不知鬼不覺下離開屋企。另外，新屋科技亦十分誇張，屋中裝設好音響系統，只要有電話或電腦就可以控制所有房間都播放音樂，另每個浴室均裝有特別設計的防水等離子電視。
咸爺出名愛妻之餘，亦是廿四孝老竇。據指咸爺的三子一女會分別住在二樓的三間睡房，大仔Brooklyn或會與細妹Harper同房，方便照顧她，每間睡房都有獨立浴室。此外，屋內亦有一間學習室、健身室、按摩房，地底亦有一間車房。據指碧咸一家將在聖誕後搬出舊屋。
撰文：鍾國泰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！