F1蓮花車隊（圖）外強中乾，今年戰績雖然唔錯，但係因為資金問題搞到拉高倫早前爆料話一毫子人工都未收到！不過，日前佢哋終於有好消息，新投資者Quantum Motorsport同蓮花磋商嘅合作計劃，已經進入最後階段，下年資金應該會喺呢幾個星期內批出，咁下年法國車手哥桑就唔使愁人工問題啦！不過，有網民作出人肉搜尋，發現Quantum主席Mansoor Ijaz，之前信譽唔多好，曾經涉及一宗銀行詐騙案！哇，蓮花小心啲好喎！另外，日前83歲嘅F1主席艾利斯通話紅牛主席賀拿，夠資格做佢繼承人。不過，後者聽到之後就請艾翁食檸檬，話自己仲有好多目標要同紅牛去追逐喎。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24