【人物專訪】
毅行者，挑戰比所有運動競賽都高，七度參賽的康宏理財（1019）主席王利民，今年以17小時43分的完成時間成為「超級毅行者」，他說無特別將毅行心得套用在康宏的經營上，「好似啱啱公佈嘅前海合營，我哋做先行者攞咗牌先，今日可能冇乜用，但遲咗入去就係遲……」看似無招，其實有招，這招叫贏在起跑線。
前個星期，康宏宣佈夥大股東康宏金融成立合營，主要從事發起股權投資企業、受託管理股權投資企業等業務，「呢一刻冇乜好講，因為冇乜搞，就好似CEPA（更緊密經貿關係安排），關於保險嘅身份，得康宏一個有呢個牌（全國性保險代理牌照）。」
康宏攻內地 先苦後甜
王利民說他不怕做先行者，亦不怕出錯，但夠膽做先行者，當然有代價。「人唔做你做，殺出新血路，但可能會殺到成身血，因為唔確定嘅因素比較多，會承受多啲……」
先行者承受的，包括去年因進軍內地市場導致資本開支增加，拖累盈利大跌九成，幸而今年上半年，內地業務帶來的收益按年升21.5倍至3,829萬元；不過，隨着內地容許保險經紀公司及保險代理公司將業務拓展至基金銷售層面，意味康宏亦可快人一步拓展基金及信託等的產品。
成功管理層要識「痛」
根據王利民的說法，成功的管理層，要「痛」過方能更上一層樓。「唔痛過就唔知，『瀨』咗嘢之後就會聽得入耳，做得好係OK，做得唔好都唔會唔OK，作為一個管理層，就要改……總之越痛越刻骨銘心！」康宏近年的「最痛」，是租錯寫字樓「2008年plan緊發展，租咗個地方，點知金融海嘯，地方租咗但請唔到人，年幾兩年白交租，係一個教訓，以後planning要更小心。」截至上月底，康宏的顧問團隊已超過2,000人，較上年增加了20%左右。
贏人又贏陣後，要的是能耐和不斷修正。王利民說2014年在區域層面來看，未必會開新的點，香港的生意有持續增長，不會鬆懈但又不必特別費周章推動；反之，前年起康宏已在內地收購及增設網點，最好把握這一、兩年做好基建搞好後勤支援。「仲有透過蘇黎世事件，睇吓點擴闊分銷渠道囉，不過等佢settle咗先……」贏在起跑線，其實還要眼觀八方，鞭策至終點。
記者：何凱兒
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24