大家樂（341）最近舉行連串活動慶祝45周年，可能遲吓仲要發大盤生意去搞，最近連公關部都搞大埋，將企業傳訊及品牌管理總監一職一拆二，撬走咗國泰航空（293）公關黃慧娟（Elin）做公關部阿姐，原先做緊呢個位嘅熊子弦（Christine）就會做策略品牌創建總監。
聽聞Christine做嘅新職位，係直接向大家樂CEO羅開光匯報，負責研究集團旗下超過10個品牌，例如一粥麵、85℃、米線陣嘅品牌定位、廣告宣傳策略等等，大家樂好似諗住增加更多品牌，Christine應該忙過以前。
Elin之前仲做過東方海外（316）公關，幫過董建華競選特首，佢後來去港龍做公關，國泰、港龍合併後，佢就過咗國泰，上周一正式過檔大家樂。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24