（哀）基斯坦奴朗拿度（C朗，圖）呢期紅爆歐洲，以一己之力幫葡萄牙搞掂瑞典，打入世盃決賽周。喺賽前記者會上，曼聯領隊莫耶斯被問到對C朗嘅睇法：「你問曼聯入面任何一個人，佢都會答你C朗係最好。我就唔係太好彩，未同C朗共事過，睇吓將來有冇機會啦！」聽到莫帥咁講，各大傳媒同曼聯球迷立刻解讀為「莫耶斯希望回購C朗」！但諗清楚，C朗同皇家馬德里續咗約無耐，點會突然離隊，我求大俠認為莫耶斯都係官腔式回答，哄吓曼迷開心啫。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24