上幾周，在此談到施蒙尼這位阿根廷名宿揚威西甲，將馬體會升格為挑戰皇馬、巴塞的勁旅。無獨有偶，他的同胞普捷天奴化腐朽為神奇，譜寫轉弱為強的神話。所不同者，是普少帥乃捨西甲而就英超，由愛斯賓奴轉教修咸頓，不消一年，就將這間連年護級浮沉球壇的細會，一變而成現時之三甲分子，與阿仙奴及利物浦鼎足而立！若是今翌兩周作客均能取勝於倫敦，分別擊敗兵工廠和車路士，分分鐘獨領風騷於積分榜，認真估佢唔到！
今年1月，修咸頓於升回英超半季後，如常掙扎於榜尾，普捷天奴應邀救亡。他有異於一般執教弱旅領隊，並不慌張以穩守求一分，反而強調憑隊形爭勝果，要求球員攻守兼顧，於互搏中贏波贏品！是故，強如曼城、車仔及利記，都是其手下敗將，修咸頓終於護級成功，普少帥亦獲留任及得會方支持，着手將西甲拉丁風格注入「聖人」，於暑期一口氣羅致三名外援，構築中樞脊骨，為轉向控球入楔，推前反搶的風格奠基。
中堅洛夫雲由法甲里昂來投，乃是當打之克羅地亞國腳，年方24，前途光明；中場指揮官雲耶馬是由些路迪挖來之肯雅國腳，亦能串演中堅，身材紮實，位置感十足；擅長中場派牌，亦能推前搏殺，於修咸頓有砥柱中流之效，行年22已有老波骨之鎮定；「老將」奧斯華度來自意甲，成為國腳已久，亦不過27歲而已。
有此兵援，陣中土砲拉爾拉拿、積洛迪古斯如虎添翼，連老將列基林拔亦成老來嬌，三子剛被召為英格蘭成員！善戰知兵，擇善固執，乃是普少帥成功之本。不讓前輩「老施」專美於西甲，又豈是偶然？
長毛
唔扮尊貴，我係球員
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24