趁着天氣轉涼，新城DJ跟女子組合Sparkling Girls相約齊齊開BBQ Party，難得播音型人加上跳唱美人聚首一堂，當然要蹺起雙手嘆世界！今時今日，燒嘢食，唔使用叉嘅，有到會大廚坐鎮就得啦！
記者：溫曉嵐
攝影：林栢鈞
星級到會 炭火和牛漢堡
都市人生活繁忙，這句話應用到一班新城DJ及女子組合Sparkling Girls身上貼切不過。這次大家選了Hong Kong Personal Chef推出的BBQ套餐，除有專人把食物送到府上，更可「包起」廚師，由大廚為大家燒製食物！老闆兼主廚Tom Burney來自英國，曾經在米芝蓮星級餐廳工作，來港後開店，以他為首的廚師團隊專為客人提供Hi-end到會，包括入口頂級靚貨的有機食材，而醃製過程更標榜無額外添加物，保證美味又健康。
是次DJ美女們享用的BBQ到會的肉食，最令人期待的非澳洲和牛漢堡莫屬，自家炮製的麵包夠鬆軟，入口即融的和牛漢堡扒加上車打芝士及焦香洋葱，滋味無窮！師傅表示，燒漢堡扒的爐火不能太猛，不然漢堡扒會外焦內生。精力旺盛的DJ科林見大廚燒得高興，嚷着要落手燒埋一份，不過成品卻像被蹂躪過的肉碎，此時大廚方教路：「生的漢堡扒易散開，下爐初時要避免翻動，待向火的一邊稍熟，變紮實一點後才可翻轉。」此外，不同食物之間要預留空間，不然氣味會互相混合，令牛不止有牛味！不過Sparkling Girls三女就最愛混搭風味，她們的心水推薦是味道多變又易入口的串燒，三文魚、豬腩肉及虎蝦三位一體，稍焦的炭燒豬肉風味十足，爽口蝦肉及鮮美魚肉滲着點點豬肉的油潤；輕怡一點則有地中海式素菜串燒，烤過的瓜果仍然Juicy，爽口又清新。而牙買加香辣煙熏雞則是新城James的心水，香草惹味不過火，香焦外皮格外美味！面對着一眾食肉獸，注重健康的芷彤則最Like希臘沙律，不禁大讚餐單設計夠平衡！
Hong Kong Personal Chef
（6227 5730）
地址：柴灣新業街6號安力工業中心24樓08室
BBQ套餐：
每位$200、$300、$450（12人起、包六至八道BBQ食物及三道沙律）
廚師到場：
每小時$250，最少四小時，食物定單滿$6,000免費到場三小時
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange