劉青雲在戲中角色的情緒貫徹如一，連導演陳木勝亦指三大男角中以青雲的角色最難演。青雲說：「唔敢話最難做，各有難處，我個角色難在好多事都唔會放上塊面，要用眼神帶過。」莫非他的演技已到收放自如的境界，有助家輝及古天樂兩位拍檔發揮？青雲笑言：「雖然大家好好朋友，但梗係唔會啦，其實演員責任係盡量發揮，其他嘢由導演判斷。」
兄弟深情剖白
戲中主講兄弟情，不乏飛車、爆破及槍戰場面等元素，被指為男人的浪漫，青雲說：「都係㗎，近年拍動作片比較多嘅一部，冇揸槍搵食好耐，呢套有番好多飛車爆炸，不過唔係咁吃力。男人之間嘅感動，三個好朋友遇到呢啲事，唯一可以解決係互相體諒，呢樣係好真實嘅情感。」他坦言沒對戲中的兄弟情太大嚮往：「導演要求硬砌，好多深情剖白同喊戲，同以往男性電影嗰種大家心照唔同，要實牙實齒，講清講楚。」
陳木勝曾提到《掃》片是向《英雄本色》等英雄片致敬，青雲坦言：「《英雄本色》好勁，睇之前係未試過咁勁咁熱血。」他坦言觀眾定會拿兩片比較：「唔會有壓力，導演想拍番部香港冇咗好多年嘅熱血英雄片。」青雲近年片約不停，曾否有「厭戰」感覺？他坦言：「拍完《再生號》有停過，有試過年幾唔拍，但係我副偈一着咗就停唔到，陳木勝要拍吓啦，之後又話有《竊聽3》，一堆咁衝埋嚟，電影係自己條命，不期然就走埋一齊。我從冇諗過拍完一套戲覺得自己會拎獎，只係好喜歡演戲！」
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24