年關將近，在晴朗一天做乜事好？建議：
倒數第一位：在晴朗一天收皮。如果掂，再下一城，一天之後拉皮。
第二位：在晴朗一天造馬。太陽底下，晒馬最啱狼凸，晒完再造，夠晒環保。
第三位：在晴朗一天陪審。唔係陪六嬸，行會成員，唔使入TVB做人肉佈景板，鬆一口氣。
第四位：在晴朗一天熄機。包括熄收音機。
第五位：在晴朗一天炒魷。假如不忍心，試吓炒蟹。
第六位：在晴朗一天遛豬。見得太多狼相，你開始覺得豬的面口比較順眼。
第七位：在晴朗一天棄權。今時今日投棄權票，唔使揀時辰，見光亦唔會死，讚。
第八位：在晴朗一天道歉。阿三世，幾時肯除頭盔？
第九位：在晴朗一天干預。西環出手，唔使問天文台。
第十位：在晴朗一天下台。唔肯下台？祝你日日風濕骨痛！