林盛斌（Bob）今年4月在《玩嘢王》節目中被人玩透，做婚宴司儀時被扮飲醉的李思捷失控搗亂會場。不過，前晚在張美妮的婚宴上，Bob卻調轉身份，全晚不停隊人飲酒，目標人物包括羅仲謙、李思捷和新郎KK，並爆粗：「新郎哥唔好走，飲！X你老味。」結果連新郎哥的爸爸都不能放過，敬酒時拉着對方狂飲。
Bob之後越玩越high，自己企在凳上，逢經過的人都叫飲酒，伴娘團的趙永洪擔心他跌倒，不時在旁相扶。昨日呂慧儀老公黃文迪在微博放上被Bob強吻的合照，並寫着：「俾人咁樣攬啜，希望老婆唔好誤會啦，阿Bob你酒醒嘅時候記得幫我解釋吓喇。」Bob回覆說：「我見到你嘟嘴！」
飲飽食醉後，黃日華、洪天明、姚樂怡等賓客疑煙癮起，但由於場內是禁止吸煙，他們為免騷擾其他賓客，自動自覺走到另一個房間僻靜處食煙，天明老婆周家蔚、文頌嫻等亦有陪坐，樂怡一邊食煙一邊傾得開懷。
採訪、攝影：陳辰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！