朱玲玲前晚現身中環撐林子祥（Lam）的畫展，近日傳出郭晶晶為避霍家爭產是非，已跟霍啟剛及囝囝搬離霍家大宅，玲玲甫到場即被追訪，但她卻不欲多談：「唔好意思，個活動開始，冇啲咁嘅事。」晶晶仍於霍家大宅居住？她說：「佢哋向來有自己地方，冇事，多謝大家，可能見到佢哋搬嘢，先搵嘢嚟寫。」至於覺得Lam的畫作如何？玲玲大讚他是個細心、有毅力的藝術家。
Lam爆林德信爛蒲
前晚是Lam的畫作跟法國水晶品牌合作的展品發佈會，太太葉蒨文、兒子林德信（Alex）及母親等撐場，獨欠剛誕B女的Lam女林德怡。對於榮升外公，Lam相當高興：「我媽媽、囝囝都喺度，係爭個女同BB，爭啲四代同堂，因為BB要留喺醫院照燈，BB手腳好大，手指好長似媽媽。」
可會催Alex早日成婚？Lam即爆囝囝大鑊：「佢成日夜蒲，結乜嘢婚吖！」身旁的Alex聞言尷尬解釋自己是努力工作，豈料Lam再出擊：「你努力夜蒲就有。」問到Lam囝囝可有帶女友回家？他再爆料：「你講邊個呀？」然後追問Alex：「你到底有幾多個呀？」眼見Alex毫無還擊之力，Lam才解圍說：「不過佢由細到大都好多朋友，男女都有。」
採訪、攝影：譚倩宜
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！