對於被指與無綫老闆陳國強夾計為收視搞大龍鳳，阿叻否認：「同佢冇通電話。」另有報道指黃杏秀在台慶自爆多年前左腹生瘤、卵巢含膿，所以冇仔生，阿叻說：「個標題我唔介意，我真係冇仔生，有就大鑊！」
另一方面，無綫下月7日舉行《歡樂滿東華》，關菊英、陳凱琳及許亦妮等昨於尖沙嘴出席記者會。問到為何主持名單冇阿叻？監製何小慧解釋他並非每年都做，並非擔心被網民噓。擔心收視？她說：「冇得驚，平常心，盡力做。」她透露賭王何鴻燊的三房千金何超蓮及吳克羣分別在當晚唱歌，超雲及猷啟則分別整蛋糕及表演游水，超蓮、超雲及猷啟的項目希望可各籌100萬。但有網民指會罷看東華？三太陳婉珍說：「我相信做慈善唔會係咁。」超蓮會唱甚麼歌？要吳克羣指導？三太助手即代答：「等佢返嚟先。」三太又透露會與賭王食飯慶生。
身為總理的王賢誌指無綫不讓他當晚表演，何小慧解釋：「因為佢喺now主持節目，不過講嘢移交支票冇問題。」她又聲稱曾接觸英皇，但英皇歌手有工作在身未能參加。
採訪：楊潔雯、王崇穎
攝影：仇志德
