嶺南大學搵咗「梁粉」鄭國漢做校長，惹起唔少師生不滿。噚日嶺大舉行學位頒授及校長就職典禮，有畢業生就喺典禮前高舉「不要黑箱作業」紙牌，抗議校董會遴選校長透明度不足，反對「梁粉」掌嶺大。
就連接受頒發榮譽社會科學博士學位嘅政務司司長林鄭月娥亦被畢業生抗議。話說林鄭上台後，幾個學生刻意背對講台，原來佢哋唔滿意林鄭當年出任發展局局長時，冇做好保育工作，見慣大場面嘅林鄭對現場示威抗議一笑置之。
嶺大喺撰辭中話林鄭有公僕之心，尤其難得嘅係喺2003年沙士期間更成立「護幼教育基金」，長期資助喺沙士中失去父母嘅細路。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24