【上環】林盛斌（Bob）同翟凱泰（泰臣）主持嘅無綫節目《街頭魔法王》，早前去咗上環海味街拍攝，今集搵咗鄧麗欣（Stephy）同黃長興做嘉賓。見佢哋喺拍攝嘅海味舖入面，攞咗好多鹹魚同龜板做道具，唔知今集會玩乜嘢。不過班工作人員就好緊張，猛叫記者唔好影，係怕記者影到佢哋變魔術時穿崩啦。兩個鏡頭拍咗成個鐘，全程Stephy都係活動佈景板，反而黃長興嘅三輪電單車吸引咗好多人圍觀。
採訪、攝影：吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！