香港人喺銅鑼灣已屬少數民族，大街小巷都係藥房、金舖同名店，天天為強國起舞。喺銅鑼灣引入多間高級名店嘅利園，唔知係咪同港人一樣，緬懷昔日好風光，由噚日起至下個月，喺利園一期搞「歷史舞臺──穿梭銅鑼灣一世紀」展覽，畀大家睇番冇自由行時嘅銅鑼灣，香港人一定睇到不無感慨。展覽可一次過重溫唔同年代嘅銅鑼灣，了解銅記街道名稱由來，有大量珍貴照片、模型同文物，包括利舞臺當年手寫嘅貴價「特等」戲票、舊電影海報同懷舊小食，更有好多銅鑼灣歷史片段。利園林蔭大道仲有四十年代新寧餐廳「復刻版」，畀大家自拍。利園嘅Hysan Place同時會展出二十年代珍藏旗袍，一樓中庭仲會有六米高嘅晚裝造型聖誕樹㖭呀。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24