當美國R&B天后Alicia Keys或美國名媛Paris Hilton遇上帕奎奧（圖），你估有咩化學作用？應該得一個字：Wow。的確，佢哋3人能夠喺彈丸之地嘅澳門齊齊亮相，你都咪話唔吸引。其實Alicia今、明兩日啱啱喺澳門威尼斯人開演唱會，之後星期日（24號）輪到帕奎奧對美國里奧斯一場大戰，天后同Paris講到明會去捧場。噚日喺場館積極練習嘅帕奎奧，場金光決戰除咗吸引兩美外，聽講連荷李活巨星佐治古尼同丹素華盛頓都傳會嚟撐場，加埋「萬人迷」碧咸，濠江呢邊真係星星熠熠到爆。帕奎奧同里奧斯打得落力外，仲帶挈香港曹星如，能夠喺一班巨星面前爭11連勝，應該都幾難忘。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24