好多人知阿里巴巴創辦人馬雲做英文老師出身，佢讀嘅杭州師範學院唔算名牌學院，一口流利英語全靠喺杭州做過幾年免費導遊練番來。佢日前接受新華社訪問時透露，正因為佢唔係名牌大學畢業生，當年創業搵創投基金投資遭受過歧視。
佢話，當時如果團隊中有幾個哈佛、史丹福畢業嘅，就已經被視為高科技，其次就係清華、北大，好似佢呢啲喺三、四流學院畢業嘅，根本融唔到資，後來好彩有軟銀孫正義賞識參股，先有今日嘅阿里巴巴。所以佢成日講，如果佢都可以成功，呢個世界有八成人都可以成功㗎。
馬雲認為沙紙並唔重要，有頭腦、有諗頭先至最緊要，好似佢提出嘅阿里式合夥人制咁，明明知道香港未必咁喜歡，佢都要堅持，仲話合夥人制係想畀一班有頭腦嘅人去控制公司，保持公司創造力咁話。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24