首度喺香港上演嘅全國沙灘排球冠軍賽，噚日喺鋪咗沙嘅葵涌足球場進行初賽。當中，喺去年倫奧被譽為中國奧運團十大美女之一嘅薛晨（上圖）成為全場焦點，佢噚日同新拍檔夏欣怡，首戰江蘇嘅黃影/徐肖亞，有驚無險以2:1旗開得勝。薛晨賽後笑笑口話︰「以往都喺海邊比賽，今次就喺高樓大廈包圍下比賽，感覺好唔同；我哋凌晨先到港，所以要時間適應。」
至於香港女子1隊嘅黃婉媚（圖左）、吳天麗（圖右），首戰以1:2不敵新疆嘅朱敏敏/馬珍妮。吳天麗賽後話因為喺主場比賽而過度興奮，表現麻麻，但今日兩場初賽分別對遼寧同國家4隊，勢會全力爭勝，最低目標要爭入8強。
足本收睇《亂噏24》x張家輝；宅男女神謝安琪隆重登場！
周一至周五《亂噏24》約定你： http://bit.ly/appletalk24