【中環】已經榮升媽咪嘅楊千嬅早幾日難得清閒，先後約咗兩位女士前後腳出嚟吹水過癮。日前大概下晝4點幾，戴住墨鏡嘅千嬅去到中環一間位於二樓嘅Starbucks嘆咖啡，冇耐一位女士嚟到同佢見面，兩個人傾咗一輪，千嬅講到手舞足蹈，兩個人傾咗大半個鐘又換另一位女士出現接力再傾，其間千嬅除咗副墨鏡現素顏。可能佢自覺講嘢太大聲，又怕俾人認出，所以成日見佢兩頭望，但無阻佢吹水嘅心情。
採訪、攝影：朱志聰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！