國美（493）turnround古仔，短短三個月已變成consensus call，一來係連續兩季業績都唔錯，但另一個更重要誘因，是之前估值太便宜，尤其唔少人錯過李寧（2331）同思捷（330），國美呢個timing自然更易sell。
國美第二、三季銷售增長放緩到4%，以復蘇故事來講力度唔算好強，食糊基本上是靠margin大幅改善。但呢個高margin點嚟？公司就話係靠做更多差異化產品。有朋友提醒海迪，國美產品組合，唔知點解呢兩季罕有地出現幾大變化：如利潤最低的3C產品，銷售比例由以往好平穩的6至7%，跌到𠵱家得4%；最好賺的白色家電又突然間賣多咗。
到底國美只屬短炒一轉，定真係有structural growth？觀乎公司以往季度數字「出神入化」的track record，海迪會建議喺全年業績公佈前，先離場觀察為妙。
最後囉唆啲都要講句，國美私募基金股東貝恩資本喺09年買CB，扣息後成本約1蚊左右。以一般私募基金嘅fund term約10年計，5至7年是時候要減磅套現。所有元素加埋一齊，大家可以自行拼番個古仔出來。
海迪
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange