前晚無綫台慶收視平均得29點（約186萬觀眾），曾寸嘴指若得2點（約13萬觀眾）收視即跪回家的陳百祥逃過一劫，不少觀眾失望。
司徒先生：有啲失望，我見動新聞有晒路線圖，好似好好睇，冇跪有失落。不過TVB捐錢都好，幫到人，不過應該係阿叻捐。
周小姐（圖）：唔會失望，因為我係支持TVB，台慶幾好睇，值得睇。
陳小姐（圖）：冇得睇冇失望，不過阿叻樣衰講啲咁嘅嘢，我都唔覺台慶好睇，冇睇。
陳小姐：屋企人食飯要睇電視，不過我就背住冇睇，支持熄電視。阿叻唔使跪都可惜，佢一向冇口齒。
黃先生：我支持港視，阿叻唔使跪真係可惜。
顧小姐：當然可惜，冇花生食。平時都唔多睇電視同TVB，噚晚出咗街。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24