唔講唔知，政府喺金融海嘯之後建議設立嘅投資者教育中心（IEC）已經成立咗一年，噚日中午為慶祝成立一周年，總經理黎昊華與三位同事專登喺交易所舉行開市敲鑼儀式。
IEC過去一年推出嘅大型教育活動唔算多，令人最有印象可能係今年中搵藝人歐陽震華（Bobby）扮《三國演義》裏面嘅諸葛亮拍宣傳片，叫人投資前要諗清楚。之前亦有跟電台合作做廣播劇，又同三色台合作拍短劇教人理財。
呢個中心嘅經費全部由證監會負責，預計每年幾千萬元。根據IEC年報，截至今年3月底止，證監會已經向IEC支付1,463萬元，包括成立費用，同埋應付籌辦教育活動、人事嘅開支。
足本收睇《亂噏24》x楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24