無綫藝人阿叻陳百祥連日向網民挑機，開個自己冇乜可能會輸嘅盤，話台慶收視得兩、三點佢就會又要跪、又要死咁，搞到全城盡㷫。呢個時候，「事旦男」又要出動喇！佢噚日朝早走到商台門口，舉牌「迎接」做完志雲大師訪問嘅阿叻，新仇舊恨，令到事旦男由TVB狙擊到商台。
事旦男今次就高舉印有「台獨不祥物」嘅紙牌，仲貼上阿叻同狼英張黑白大頭照，唔講仲以為係車頭相喎。事關前晚無綫電視城俾人撒溪錢，大叫「阿叻出糧」，對於一向賭開馬、鍾意講運數嘅阿叻，晨早流流又要見到事旦男舉黑白相，仲鬧佢不祥，相當唔老利喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange