美國CNBC財經台女主播巴蒂羅莫（Maria Bartiromo）被稱為財經界「甜心」，噚日有報道話佢即將離開工作20年嘅電視台，過檔對家霍士財經新聞，同舊東家打對台。
46歲嘅Maria，1993年加入CNBC做財經記者，經常到紐交所報道市場實況，佢標致可愛，被人叫做財經「甜心」，之後佢坐正做財經女主播，有網站估佢年薪780萬元。
最令人印象深刻，可能係佢2006年錯誤引述聯儲局主席伯南克一句無心之失嘅說話，搞到投資者對儲局暫停加息的希望幻滅，導致美股當晚蒸發2%。
Maria過檔對家，除主持財經節目，仲會亮相全美收費電視收視第一嘅霍士新聞台。市場估計，CNBC另一位年輕女主播、間唔中幫Maria頂更嘅靚女Kelly Evans將會坐正頂上。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24