我Pro J雖然都有小小料到，但不時都會聽唔同人講talk，拓闊吓自己嘅視野！Pro J啱啱聽咗Black-Scholes嘅發明者——邁倫．斯科爾斯（Myron Scholes）同私人銀行CIC講2014年市場展望，兩位師父級人馬，都相當睇好2014年前景！
Pro J出名係「金融牆頭草」，跟師父如果跟衰咗，只能怪自己有眼無珠！好聽啲講，就係「鶴立雞群」，唔好聽就係「突過頭自命不凡」！
年尾結算，雖然Pro J喺蘋果寫咗唔係好耐，不過經典之作一定係愛股——TCL通訊（2618），4.5元跌唔落，勇敢下注，搵到嘅朋友粉絲，記住做吓善事，幫吓有需要嘅朋友，福至心靈，大家開心！Pro J維持破歷史高位嘅立場，一有消息，即刻喺《蘋果》通知大家！應承你！
另外一隻，三太寶貝澳門勵駿（1680），Pro J一早話回調後唔跟黃金比率，慢慢企到喺平均線，然後又「一柱擎天」破咗之前嘅位，澳門博彩喺阿爺中港澳佈局中嘅獨特性，係唔可以被取替！加上龍仔嘅凱升（102）又開始get set, go！以此推論，呢個就叫做Pro J theory，哈哈！收到未先！
尋找創仔明星股
2014年嘅新焦點，Pro J開始追蹤2012年7月上市嘅馬仕達（8146），當時以配售形式上市，價格0.35元，今日睇番0.375元左右。該公司從事設計同開發移動式照明產品，主要市場係北美，而美國經濟再開車已經係不爭嘅事實！之後佢交嘅業績一次好過一次，喜歡收息嘅朋友留意喇，上市首年馬仕達已派息！創仔上市，有心做就梗係跳主板，睇佢交出嚟嘅功課，又確實唔錯！會唔會係2014年嘅明星股呢？繼續追蹤，出發！
徐燦傑
中國銀河國際財富管理主管
本欄逢周三刊出
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24