呢張相人人着得咁casual，仲有金牌經理人黃柏高，點睇都唔似會出現喺財經版。
查實裏面有兩位係東亞銀行（023）賓架，分別係卡業務及個人貸款部主管盧永欣，同埋東亞總經理兼個人銀行主管許文森。兩位賓架除下套裝、西裝，咪就係要𠱁班後生仔客戶，用佢哋最新嘅手機錢包服務囉。
𠵱家有好多銀行出手機錢包，東亞亦計劃明年第一季可以正式啟用。盧永欣話，佢哋主要針對後生客，希望喺一年之內可以有1萬個新客用佢哋嘅手機錢包。
為迎合後生仔口味，東亞仲喺facebook搞互動，由網民一齊畀意見，設計佢哋手機錢包服務嘅裝置。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24