【昔日租戶】
人稱（灣仔）利東街May姐葉美容，昔日在已拆卸的前囍帖街一個24方呎舖位，售賣手製飾物，昨日在記者邀約下重臨舊址的囍匯現場做訪問。
將來租金可能好貴
她指着只能容納一個人的工作平台說：「都幾乞人憎！我諗啲長者見到會諗起深山旅行時見到嘅懸棺……對利東街老街坊來講，睇見（囍匯）就眼冤，睇見就唔開心！」
May姐表示，昔日利東街老街坊各散東西，有些老街坊由囍帖街搬去鄰近的廈門街繼續經營印刷，經營數年後倒閉告終。最近至少8名老街坊收到市建局來信，諮詢他們有無興趣承租日後落成的商場舖，其中6戶首肯，有兩戶無興趣。
她引述該兩戶的回應：「第一，將來租金可能好貴；第二，你趕咗我出去幾年，𠵱家你個場仲有兩年先出租，幾年後都唔知會否移民天國啦！」她指出，市建局當日免補地價收購囍帖街，又獲公帑注資，應該對過去昔日受影響街坊有承擔，不應以市價出租予受影響街坊，希望有折扣優惠。
【囍匯睇樓客心聲】
廚房太細
來自山東的莊先生表示：「有意買入兩房，實呎超過兩萬元就唔可以接受。單位廚房太小……樓盤位置挺好，靠近中環。」
間隔唔好
港人陳先生表示：「間隔唔好，房對房。房半的單位無窗，點解整到咁樣！真係麻麻哋，今次睇3座箒，遲啲睇下1座點啦！」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange