政圈近期開始落盤，估吓政改諮詢幾時出爐，有左報噚日話下月18日星期三係吉日，點解呢？有政界中人話，17日星期二開完行政會議通過方案，翌日林鄭月娥就可以打正旗號去立法會硬sell，時間啱啱好。但呢句「啱啱好」隱藏咗政府嘅「大陰謀」。原來18日嘅立法會會議，係議員放聖誕假前最後一次大會，有議員話當日公佈完，就算係泛民議員，都鳥獸散去遊埠咯，仲會專心搞狙擊咩？市民都等住放假啦，邊有咁多人想喺節日理咁嚴肅嘅事，相信惹起嘅反彈都唔會太大。據聞有人問林鄭係咪下月18日有消息？佢只回應盡力爭取喎。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24