11月9號嘅銅鑼灣一帶，處處現彩虹。唔係當日啱啱落完雨而有彩虹喎、而係象徵同志平權嘅旗幟處處飄揚。查實當日係同志遊行，5,000個參加者中，除咗香港人，仲有好多外國人身體力行去撐㗎，好似夏千福領導嘅美國駐港領事館，當日就好齊心咁參與嘞。
事關美國領事館職員喺佢哋嘅facebook貼咗張相，話佢哋9號嗰個星期六，領事館職員帶埋佢哋嘅屋企人一齊出席咗2013香港同志遊行，用行動以示支持同性戀、雙性戀同跨性別者嘅權利，仲問香港市民「對你嚟講，咩係平等？」有網民關心，千福BB點解唔參加？查實佢嘅下屬挺身全家支持，已經係最好嘅表示啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange