【跑馬地】港姐出身的許亦妮早前被爆搭上太陽集團有米高層盧啟邦（Andrew），戀情見光即死，女方被揭是小三。許亦妮跟前港姐文凱玲（Connie）合作電影《喜愛夜蒲3》而傳不和，上月萬聖節派對上，Andrew醉吻Connie，她把照片貼上網向死敵示威。Andrew事後不但速撇許亦妮，同時又否認跟Connie拍拖。Andrew前日凌晨到跑馬地夜蒲，同行的女伴既非許亦妮，也不是Connie，兩女兩敗俱傷。Andrew的紅衣索女新歡樣子清純，二人蒲到凌晨3時多，Andrew駕駛其粉紅色法拉利458 Spider戰車載着新歡離開。
搭膊密斟
許亦妮和Connie這場鷸蚌相爭，最終漁人得利，Andrew前日凌晨一身「潮童」打扮現身跑馬地紅酒館，他先把戰車泊在附近，不忘拿着iPhone叉電器，看來知道自己會打躉，以備不時之需。Andrew跟着便到街口七仔，原來是會合紅衣靚女，甫見面即搭着女方膊頭，狀甚親暱。
他們進入紅酒館後即跟朋友坐下吹水，Andrew食雪茄，跟新歡全程甚好傾，𠱁得女方笑不停，她又跟Andrew越坐越埋，舉止如情侶。其間Andrew一度獨自走出店外傾電話，看到愛車擋風玻璃黐着東西，他一邊講電話一邊弄走東西，還隨手丟在地上，似乎有欠公德心。
Andrew偕新歡玩到大約凌晨3時多，兩人同車離開。記者前晚打給Connie問到可有跟Andrew夜蒲，她說：「噚晚（指前日凌晨）冇囉！」Connie死撐二人有發展空間：「將來嘅嘢冇人知。」
採訪、攝影：黃曉程、徐錦池、畢紹基
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！