囤地波一連兩日落新界東北踩場，表面上，無論老人家、小朋友、村民點聲淚俱下講到明話想不遷不拆，波叔都當佢哋冇到；但暗地裏，波叔其實又係點睇嘅呢？新界東北Style嘅一班成員，喺波叔出席論壇時，悄悄地影低佢嘅筆記，唔知喺呢批絕秘記錄裏面，可唔可以刺探到波叔一啲內心嘅諗法呢？
論壇當日，波叔不停寫筆記，寫下嘅內容包括「小朋友送畫」、「老人家，何文田、北角村」、「四代住在這裏」、「原居民與非原居民村」，而最震撼嘅一句，就係波叔親手寫下「古洞北，不遷不拆，撤回計劃」。呵呵呵……唔通波叔佢身在曹營心在漢，其實係暗撐村民？都唔奇㗎，話晒波叔家族喺發展區有囤地，講到尾都算係受影響人士喎。由發展局局長親筆「下令」古洞北不遷不拆，唔知道居民嘅家園係咪保留有望呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange