今日是無綫台慶，不過薛家燕昨日在新城主持節目時透露，由於今日要拍新劇《新抱喜相逢》廠景，故未能出席台慶。講到家燕姐好幾年都在台慶抽到獎，她笑說：「聽講今年有好多獎品，仲話有樓，等我仲諗住抽層樓㗎嘛，上年我抽完1萬蚊，然後見到錢嘉樂，佢叫我畀啲Lucky（幸運）佢，我同佢講如果你抽到就要同盈盈結婚，跟住佢真係抽到仲結埋婚，開口中！𠵱家同公司傾緊，可唔可以抽獎時停一停廠，唔得就恭喜其他同事中獎機會大啲啦。」同劇還有湯盈盈及敖嘉年等。另外，網民發起台慶熄電視，阿叻陳百祥又指收視得3點就跪回家，家燕姐說：「阿叻樣樣都要叻，咁大家拭目以待。」
採訪、攝影：胡比
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24