新地（016）老闆郭炳聯噚日專程去咗中文大學，出席新鴻基諾貝爾得獎學人傑出講座。郭炳聯同一眾師生霸定凳仔聽講座，佢除咗抄筆記，又喺答問環節舉手發問，拍得住一眾學生哥。
新地同中大噚日請咗2001年諾貝爾經濟學得主斯蒂格利茨（Joseph Stiglitz）演講，分享金融危機後嘅亞洲同世界經濟有乜新局面。
坐第一行嘅郭炳聯同沈祖堯，佢哋全程豎起耳仔留心聽斯蒂格利茨嘅演說。郭炳聯好專心咁用紙同筆寫低重點。在場學生就多數拎手機影低power point。
答問環節，沈祖堯同郭炳聯都有舉手發問。郭炳聯問有冇機會發生「金融海嘯2.0」呢？
斯蒂格利茨堅地定回應「No！」，又話機會唔大，咁郭炳聯唔使太擔心啦！
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你： http://bit.ly/appletalk24