【表現失色】
莎莎在港澳地區的表現，雖然勢頭不俗，但內地業務就沒有如管理層預期般，在今年度見起色。上半年度莎莎在內地的虧損又再擴闊，蝕2,160萬元，同期則蝕1,620萬元，而銷售額更罕有地錄得下跌4%。郭少明解釋，內地表現差過預期，是由於管理及執行能力不足所致，公司已進行分區管理改革：「全年業績時一定會見到成效。」
至於公司的網購業務「Sasa.com」，上半年亦銷售只升1.3%，至1.86億元。近日淘寶、天貓在光棍節銷售表現驚人，對於網購長遠會否威脅莎莎的業務，郭少明不太擔心：「始終買化妝品，都係現場比較好，因為你試到件貨。你唔會係網上聞到支香水乜味，想買支唇膏，望相以為粉紅色，送到嚟係紅色，換嚟換去都煩啦！」
網購將可用人幣計價
不過郭少明亦同意，網購未來甚有潛力，現時「Sasa.com」仍未夠方便，會投放更多資源發展。「我哋個網以前喺內地或海外購物，係用美金計價，令到唔少客人覺得唔方便。下個月我哋開始會改晒做用當地貨幣計算，相信可增加到生意。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange